جشن معراج النبی صلی اللّٰہ علیہ وسلم
۔۔۔۔۔۔۔۔۔۔۔۔
مظفرپور: کے جی این ایجوکیشن سینٹر فار قرآن اینڈ دینیات، جو کے جی این ایجوکیشنل اینڈ ویلفیئر ٹرسٹ کے زیرِ اہتمام چل رہا ہے، میں آج بعد نمازِ مغرب معراجُ النبی ﷺ کی مناسبت سے ایک پُرنور اور بامقصد محفل منعقد کی گئی۔
اس محفل میں طلبہ و طالبات کے ساتھ اساتذۂ کرام نے شرکت کی۔
محفل کے دوران اساتذۂ کرام نے واقعۂ معراج النبی ﷺ کی عظمت، اس کے روحانی اسرار اور امتِ مسلمہ کے لیے اس کے عملی پیغامات پر تفصیلی خطاب کیا ۔
اس موقع پر طلبہ و طالبات نے حمد و نعت پیش کیں۔
آخر میں فاتحہ، درود و سلام پڑھے گئے اور شیرینی تقسیم کی گئی، جس کے ساتھ محفل اختتام پذیر ہوئی۔
منتظمین کے مطابق اس طرح کی دینی و اصلاحی محافل سے طلبہ و طالبات کے اخلاق و کردار کی تعمیر میں مدد ملتی ہے۔
Comments
Post a Comment